Reuters: Эрон Россияга 400 га яқин баллистик ракеталар етказиб берди
![Reuters: Эрон Россияга 400 га яқин баллистик ракеталар етказиб берди Reuters: Эрон Россияга 400 га яқин баллистик ракеталар етказиб берди](/photos/news/Ecc34kjnNP0R9VP.jpeg)
Eтказиб бериладиган ракеталар орасида “Zolfaghar” ракеталари ҳам бор. Экспертларнинг фикрича, ушбу турдаги ракета 700 кмгача бўлган масофадаги нишонларга зарба бера олади.
Reuters маълумотларига кўра, ракеталарни Россия Федерациясига етказиб бериш икки давлат вакиллари ўртасидаги келишувларга асосланган ҳолда январ ойидан бошланган.
"Теҳрон ҳар қандай давлатга қурол экспорт қилиш ҳуқуқига эга бўлганлиги сабабли, етказиб бериш ҳажми янада кўпроқ бўлади", — дея маълум қилган номи ошкор қилинмаган Эрон расмийларидан бири.
"Октябр ойида БМТ Хавфсизлик Кенгашининг Эроннинг ракета, дрон ва бошқа технологияларнинг айрим турларини экспорт қилишига қўйган чекловлари ўз кучини йўқотди", дея қайд этади Reuters.
Матнда хатолик топсангиз, ўша хатони белгилаб, бизга жўнатинг (Ctrl + Enter).