"Қуръон"ни ёққан швециялик сиёсатчи яна намойиш ўтказмоқчи
Стокгольмдаги Туркия элчихонаси яқинида "Қуръон"ни ёқиб юборган сиёсатчи Расмус Палудан янги намойишлар учун ариза берди, деб ёзади Швециянинг Expressen газетаси.
Қайд этилишича, Палуданнинг шов-шувли ҳаракати Швеция расмийлари томонидан рухсат этилган ва полиция назоратига ўтган. Сиёсатчининг сўзларига кўра, у "Қуръон"ни ёқиб юборганига жавобан бундай оммавий норозилик бўлишини кутмаган эди. Шу билан бирга, у қилмишидан афсусда эмаслигини таъкидлади.
Эслатиб ўтамиз, 21 январь куни Стокгольмда муқаддас китобни ёқиш билан боғлиқ акция бўлиб ўтди. Палудан ўз нутқида НАТО, Туркия ва Президент Ражаб Тоййиб Эрдўғонни танқид қилиб, Муҳаммад пайғамбар (с.а.в.) карикатурасини кўрсатди.
Шу билан бирга, Швеция Бош вазири Ульф Кристерссон бу ҳаракатни мусулмонларга нисбатан ҳурматсизлик, деб атади.
