Қозоғистонда 31 нафар Ўзбекистон фуқаролари бўлган автобус ЙТҲга учради
Бу ҳақда Ўзбекистон Фавқулодда вазиятлар вазирлиги (ФВВ) матбуот хизмати хабар бермоқда.
15 июнь куни Жамбул туманидан ўтувчи “Олмаота-Тошкент” автомобиль йўлининг 545 км. да трикотаж маҳсулотлари ортилган юк машинасида ёнғин чиққан.
Бунинг натижасида автомобиль йўлида тирбандлик юзага келган ва бу йўналишда ҳаракатланаётган юк машинаси 2 та йўловчи ташиш автобуси ва 1 та енгил автомобиль билан тўқнашган.
Тўқнашув оқибатида бу автотранспорт воситаларида ёнғин келиб чиққан. Ёнғин содир бўлган автобусларнинг бирида 31 нафар Ўзбекистон фуқаролари бўлган ва улардан 3 нафари ўрта даражада тан жароҳати билан Тараз шаҳар тиббиёт масканига олиб борилган.
Ҳозирда уларга малакали тиббий ёрдам кўрсатилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).