Пригожин Россиядаги “тўнтариш” ҳақида гапирди

"Вагнер" ташкилоти асосчиси Евгений Пригожиннинг айтишича, у ҳам, унинг компанияси ҳам Россияда давлат тўнтариши қилмоқчи эмас. Бу ҳақда россиялик тадбиркорнинг телеграм-каналида матбуот хизмати хабар берди.

Пригожин бу сўзлар билан собиқ "ДХР мудофаа вазири" Игор Стрелковнинг "Вагнер" асосчиси гўёки Россияда давлат тўнтаришига тайёргарлик кўраётгани ва бунинг учун ресурсларга эга эканлиги ҳақидаги айбловларини изоҳлади.

Пригожин Россия президенти Владимир Путинга ҳам ижобий муносабатда эканлигини айтди.

"Биз қўриқлашимиз керак бўлган ва ҳарбий тўнтаришни амалга ошириши мумкин бўлган асосий қуролли куч - бу НАТО бўлиб, у Украина армиясининг қўли орқали, агар биз тинчлансак, бу натижаларга эриша олади", - дея ишонтиради Пригожин.