Пирло Шомуродовни шогирд қилиб олмоқчи

Андреа Пирло бошқараётган Италия клуби Шомуродов учун курашга қўшилди.

Roma Press нашрининг ёзишича, Элдор Шомуродов ёз охиригача «Рома»ни тарк этади. Ўзбекистонлик ҳужумчи «Рома»нинг режаларига тўғри келмаяпти ва ўтган мавсум ижарада ўйнаган «Каляри»дан қайтганидан буён унинг кетиш жараёни бошланган.

Il Tempo хабарига кўра, Шомуродовга Италиядаги жамоалар қизиқиш билдирган ва ҳозирда унга асосан икки жамоа даъвогарлик қилмоқда.

Газетанинг ёзишича, Шомуродов билан жиддий музокаралар олиб бораётган клуб Ҳеллас Верона.

Бироқ сўнгги пайтларда «Сампдория» ҳам ўзбек ҳужумчиси учун пойгага қўшилган ва Шомуродовни қўшимча ҳужумчига муҳтож бўлган Андреа Пирло Б церийага жалб қилмоқчи.