Пентагон раҳбари Жанубий Кореяга ташриф буюради
АҚШ Мудофаа вазири Ллойд Остин Шимолий Кореядан келаётган ядровий ва ракета таҳдидлари ва бошқа хавфсизлик масалаларини муҳокама қилиш учун Жанубий Кореяга ташриф буюради.
Жанубий Кореянинг Рёнхап агентлиги хабарига кўра, Пентагон раҳбари 30 январь куни Сеулга келади ва у ерда жанубий кореялик ҳамкасби Ли Жонг Соп ва бошқа ҳукумат вакиллари билан учрашади.
ОАВ маълумотларига кўра, вазирлар “АҚШнинг мудофаавий тўхтатувчи қобилиятини кенгайтириш бўйича биргаликдаги саъй-ҳаракатларни” кўриб чиқадилар.
Кутилишича, кун тартибидан февраль ойида Вашингтонда АҚШ иттифоқчилари иштирокида “Шимолий Корея томонидан ядро қуролидан фойдаланиш сценарийлари” бўйича ўтказилиши режалаштирилган учрашувга тайёргарлик кўриши кутилмоқда.
Матнда хатолик топсангиз, ўша хатони белгилаб, бизга жўнатинг (Ctrl + Enter).
