Пентагон АҚШнинг Киевга юборган ҳарбий ёрдам миқдорини ҳисоблаб чиқди

Америка Қўшма Штатлари иттифоқчилари билан биргаликда Киевга 65 миллиард доллар миқдорида ҳарбий ёрдам берди, деди Пентагон раҳбари Ллойд Остин Украина мудофаа бўйича алоқа гуруҳининг онлайн йиғилишида.

“[Россия президенти Владимир] Путин бизнинг қароримиз сўнишига умид қилган эди. У бизнинг бирлигимиз бузилади, деб ўйлаган эди. Бунинг ўрнига биз ҳар доимгидек бирдам бўлиб қоламиз”, деди Остин.

Пентагон раҳбарининг таъкидлашича, апрель ойида бўлиб ўтган алоқа гуруҳининг сўнгги йиғилишидан буён Қўшма Штатлар Украинага 1,8 миллиард доллар миқдорида қўшимча ёрдам ажратган.