Париж Олимпиадасида спортчи қиз тиз чўкиб, йигитининг қўлини сўради (ВИДЕО)

Югурувчи Элис Финот Париж Олимпиадасининг 3000 метрга тўсиқлар оша югуриш бўйича финал босқичидан сўнг йигитининг қўлини сўради. Бу ҳақда "centralasia.media" нашри хабар бермоқда.

Спортчи агар масофани 9 дақиқа ичида босиб ўтса, бу ўзига хос белги эканлигини таъкидлаган. Элис масофани 8:58,67 (янги Европа рекорди) дақиқада босиб ўтди.

"Биз тўққиз йилдан бери биргамиз. Оилавий ҳаётимизда янги саҳифа очилди", дейди спортчи.

33 ёшли Элис Олимпиадада профессионал спортчи бўлмаган кам сонлилардан биридир. У автомобиль инновациялари марказида муҳандис бўлиб ишлайди.