Олимлар шифобахш пиво яратишга киришди
Санкт-Петербург Ахборот технологиялари, механика ва оптика университети олимлари шифобахш пиво яратиш устида иш бошлади.
Ичимлик тропик хамиртуруш (француз микробиологи Генри Боулар томонидан 1920 йилда яратилган) асосида тайёрланади. Ушбу хамиртуруш пробиотик сифатида ичак касалликларига қарши курашда ёрдам бериши мумкин.
Тадқиқот давомида мутахассислар пиво ишлаб чиқаришда тропик хамиртуруш шифобахш хусусиятларини сақлаб қолиши ёки аксинча бўлишини аниқлайди. Агар тажрибалар муваффақиятли ўтса, келгуси йил бошида шифобахш пиво савдо пештахталарида пайдо бўлиши мумкин.
Матнда хатолик топсангиз, ўша хатони белгилаб, бизга жўнатинг (Ctrl + Enter).
