«Norway Chess». Нодирбек Абдусатторов 5-турда «дуранг+дуранг» қайд этди

Норвегияда 10 нафар гроссмейстер иштирокидаги нуфузли «Norway Chess» турнирида кеча 5-тур баҳслари ўтказилди.

Унда Нодирбек Абдусатторов ҳиндистонлик Домараджу Гукешга қарши оқ доналарда ўйнади. Асосий партияда дуранг қайд этилди ва ҳар икки спортчи бир очкодан қўлга киритди.

Қўшимча 0,5 очкони қўлга киритиш эса оқларда ўйнаган ҳамюртимиз ғалаба талаб этиларди. Аммо тезкор партияда Нодирбек ўйин бошидан хатоларга йўл қўя бошлади. У ўйинда давомида Фарзинидан айрилди. Боз устига, рақиб пиёдасини Фарзинга чиқариш остонасигача олиб келди. Гукеш таклиф қилган дурангга Абдусатторов рози бўлди. Чунки бу дуранг ҳинд шахматчиси учун 0,5 очко тақдим этарди.

Натижада Абдусатторов 6 очко билан 9-ўринга тушиб кетди. Фабиано Каруана (АҚШ) кечаги турда Мамедяровга ютқазганига қарамай, 10,5 очко билан яққол пешқадам бўлиб турибди.

Бугун Нодирбек Абдусатторов айнан Фабиано Каруанага қарши оқ доналарда ўйнайди.