Ноқонуний қурилган бино-иншоатларни буздириш бўйича ҳужжатлар ижроси таъминланмоқда
Биров меҳнат қилиб қурган уй-жойини бузиш асло осон иш эмас. Лекин у ноқонуний қурилган бўлса-чи?
Миришкор туманидаги бир нечта маҳаллаларда қурилган қурилишларнинг ноқонунийлиги, ўзбошимчалик билан эгаллаб олинган ерлар туман ҳокимлиги ҳузурида тузилган ишчи гуруҳ томонидан ўрганилган.
Бир неча маҳаллаларда ана шундай ҳолатлар аниқланган ва бу борада Кадастр агентлигининг Миришкор тумани бўлими томонидан фуқаролик ишлари бўйича Касби туманлараро судига даъво аризалари киритилган ҳамда аниқланган объектларнинг бузилиши бўйича суд қарори қабул қилиниб, мазкур қарорлар ижроси таъминланиши учун Бюронинг Миришкор тумани бўлимига юборилган бўлиб, мазкур ижро ҳужжатлари юзасидан ижро ҳаракатлари олиб борилмоқда.
Жумладан, Миришкор тумани, “Р.Ғоибов” маҳалласи ҳудудининг 418q-контурида жавобгар А.Қ томонидан ўзбошимчалик билан эгаллаб олинган 0,12 гектар ер майдонидаги 9,0 м.кв ноқонуний равишда қурилган бино-иншоатлар жавобгар ҳисобидан буздирилди.
Шунингдек, Миришкор тумани, “Р.Ғоибов” маҳалласи ҳудудининг 418q-контурида жавобгар Л.Қ томмонидан ўзбошимчалик билан эгаллаб олинган 0,12 гектар ер майдонидаги 12,0 м.кв ноқонуний равишда қурилган бино-иншоатлар жавобгар ҳисобидан буздирилиб, ижро ҳужжатларининг ижроси амалда тамомланиши таъминланди.
