Нетаняху Исроил Ғазо секторидаги йўқотишларни минималлаштира олмаганини тан олди
Исроил Ғазо секторида ҲАМАСга қарши курашда тинч аҳолини хавф-хатардан ҳимоя қилиш учун қўлидан келган барча ишни қилмоқда, жумладан, огоҳлантирувчи варақаларни тарқатмоқда, бироқ унинг қурбонлар сонини камайтиришга қаратилган ҳаракатлари “муваффақиятсиз”.
Бу ҳақда Исроил бош вазири Бинямин Нетаняху Американинг CBS News телеканалига берган интервьюсида маълум қилди.
"Ҳар қандай тинч аҳоли ўлими фожиадир. Биз тинч аҳолини хавф-хатардан ҳимоя қилиш учун ҳамма нарсани қиламиз, ҲАМАС эса уларга зарар етказиш учун ҳамма нарсани қилади", - деди Нетаняху.
"Шунинг учун биз уларга варақалар тарқатамиз ва мобил телефонларига қўнғироқ қиламиз", деб қўшимча қилди Исроил раҳбари.
Бироқ сиёсатчи тинч аҳоли қурбонлари сонини минималлаштиришнинг иложи йўқлигини тан олди.
