Навоийда ҳайдовчининг эътиборсизлиги сабабли бир қизалоқ вафот этди

Жиноят ишлари бўйича Хатирчи туман суди биносида ўтказилган очиқ суд мажлисида эътиборсиз ҳайдовчига нисбатан жиноят иши кўриб чиқилди.

1983 йилда туғилган Ш.Одилов (шахси ўзгартирилган) 2021 йил 5 июль куни соат 12:40 ларда бошқарувидаги “ГАЗ-310290” русумли 85А 143 АA давлат белгили автомашинани Хатирчи тумани худудидан ўтувчи 4R48 автомабиль йўлидан Зарафшон маҳалла фуқаролар йиғини томон ҳаракатланиб келиб, Ўзбекистон Республикаси Вазрлар Маҳкамасининг 2015 йил 24 декабрдаги 370-сонли Қарори билан тасдиқланган “Йўл ҳаракати қоидаларининг” 11. банди “г” кичик бандида назарда тутилган қоидалар талабларини қўпол равишда бузиб, йўлнинг умумий ҳолати ва таъмирлаш жараёни кетаётганини инобатга олмасдан мазкур йўлнинг 133 кмда йўлнинг қотнов қисми текислиги бузилганини била туриб, эҳтиёткорлик чораларини кўрмасдан, йўлнинг транспорт воситалари қатнови учун мўлжалланган асфалт қопамали қисмидан ҳаракатланмасдан, ҳаракат йўналиши бўйича йўлнинг ўт томон обочена қисмидан ҳаракатни давом эттириб, олдинда йўлнинг қатнов қисмини велосипедда кесиб ўтган вояга етмаган С.Ҳамидовани (шахси ўзгартирилган) йўлнинг обочена қисмида уриб юбориб, йўл транспорт ходисаси содир этган.

Натижада, вояга етмаган С.Ҳамидова судга оид тиббиёт экспертизасининг 2021 йил 11 августдаги 31 сонли хулосасига кўра, бош бўйин кўкрак қафасининг қўшма шикастланиш, бош мия ёпиқ жароҳати, калла энса суягини синиб асосига ўтиши, бош мия пардалари остига, тўқималарига ва ён қоринчаларига қон қуйилиши, ўнг томонлама ўрта қўлтиқ ости чизиғи бўйлаб 1-9 қовурғаларнинг, чап томондан ўрта умров чизиғи бўйлаб 2-7 воқурғаларининг синиши, шу соҳа юмшоқ тўқималарига тўқ қизил рангли қон қуйилиши, ўпка ва жигар тўқималарининг йиртилиши, ички қон кетиш, танасидаги кўплаб шилинмалар каби ўлимига сабаб бўлган тириклигида ҳаёт учун хавфли бўлган оғир тан жароҳатлари олиб, воқеа жойида вафот этган.

Суд, Ш.Одиловни содир этган жиноятининг хусусияти ва ижтимоий хавфлилик даражасини, муқаддам судланмаганлигини, айбига тўлиқ иқрорлигини, қонуний вакилнинг даъво борлигини, қилмишидан чин кўнгилдан пушаймонлигини, оилавий шароити ёшини, муқаддам судланмаганлигини, қонуний вакилнинг унга нисбатан даъвоси борлигини, содир этган жиноятининг ижтимоий хавфлилик хусусиятини ва даражасини инобатга олиб, Ўзбекистон Республикаси Жиноят кодекси 266-моддаси 2-қисми билан 3 (уч) йилга барча турдаги транспорт воситаларини бошқариш ҳуқуқидан маҳрум қилган ҳолда
5 (беш) йилга озодликдан маҳрум қилиш жазоси тайинланди.

Ҳабилулла Тухтаев, Жиноят ишлари бўйича Хатирчи туман суди судьяси