Модрич: "Мен учун Криштиану тарихдаги энг яхши футболчилардан бири"

Мадриднинг “Реал” клуби ярим ҳимоячиси Лука Модрич собиқ жамоадоши, ҳозирда Саудия Арабистонида “Ан-Наср”да тўп сураётган Криштиану Роналду ҳақида гапирди.

“Мен учун Криштиану тарихдаги энг яхши футболчилардан бири. У ўзининг тартибли меҳнати туфайли ўзига хосдир. Роналду максималист. Кубоклар унга ҳеч қачон етмайди, у кўпроқ нарсага интилади. Бу йигит кўплаб рекордлар ва мукофотларга қарамай, дам олишга эътибор бермайди. У ўйинларга ақл бовар қилмайдиган муносабатда”, - деди хорватиялик футболчи.

Роналду 2023 йил бошида "Ан-Наср" билан 2,5 йиллик шартнома имзолади. 38 ёшли португалиялик ушбу мавсумда Саудия Арабистонида 7 та ўйинда майдонга тушиб, 8 та гол урди.