Медведев: Арманистон ҳеч қачон ЕИга қабул қилинмайди

Медведев: Арманистон ҳеч қачон ЕИга қабул қилинмайди

Россия Хавфсизлик кенгаши раиси ўринбосари Дмитрий Медведевнинг айтишича, Арманистон ҳам, Украина ҳам яқин келажакда Европа Иттифоқига аъзо бўлмайди. Бу ҳақда у «Российская газета»да чоп этилган неоколониализм ҳақидаги узун мақоласида ёзган.

«Россия ва арман халқлари ўртасидаги кўп асрлик КХШТ ва ЕОИИ доирасидаги иттифоқчилик муносабатлари билан мустаҳкамланган дўстлик узоқ вақтдан бери Вашингтон ва унинг иттифоқчилари учун тикон бўлиб келган. Зақафқазия республикасини Евро-Атлантика лагерига тортиш учун катта кучлар сарфланди», дейилади мақолада.

Медведевнинг ишончи комилки, Ғарб кўп ваъдалар беради, лекин уларни бажармоқчи эмас ва Украина учун очилмаганидек, «элита учун клуб»нинг эшиклари Арманистон учун ҳам очилмайди. Шунингдек, у Грузия парламенти Ғарб мамлакатларига ёқмаган қонунни қабул қилганда Ғарб Грузияга қарши санкциялар қўллаганини таъкидлади – гап чет эл агентлари ҳақидаги қонун ҳақида бормоқда.

Россия Федерациясининг собиқ президенти Глобал Жануб мамлакатларини неоколониал тизимни бутунлай йўқ қилишга чақирди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!