Малайзияда мураккаб аҳволга тушиб қолган юртдошимизнинг Ватанга қайтишига ёрдам кўрсатилди
Жорий йилнинг 22 апрель куни Ўзбекистон элчихонаси кўмагида Малайзияда қийин аҳволга тушиб қолган юртдошимиз Ватанга қайтарилди, деб хабар қилмоқда "Дунё" АА мухбири.
Маълум бўлишича, жорий йилнинг 5 апрель куни элчихонага Самарқанд вилоятида истиқомат қилаётган фуқаро С.Х. мурожаат қилиб, унинг 2010 йилда туғилган, вояга етмаган фарзанди Х.С. қонуний вакилларсиз ҳамда Малайзияда бўлиб туриш қонун-қоидаларини бузган ҳолда Куала-Лумпур шаҳрида мураккаб вазиятда қолиб кетган.
Дипломатик ваколатхона томонидан Х.С.га Ўзбекистонга қайтиш гувоҳномаси расмийлаштириб берилди ва унга Малайзия Ички ишлар вазирлиги Миграция департаменти томонидан мамлакатни тарк этиш учун махсус рухсатнома олишда амалий ёрдам кўрсатилди. Натижада, жорий йилнинг 22 апрель куни Х.С. бувиси ҳамроҳлигида "Batik Air" авиакомпаниясининг "Куала-Лумпур – Тошкент" йўналиши бўйича авиарейси билан Ўзбекистонга қайтарилди.
