Макрон Зеленский билан суҳбатдан кейин Запорожье АЭСда хавфсизликни таъминлаш кераклигини таъкидлади

Франция президенти Эммануэл Макрон ҳафта охирида қайта ўққа тутилган Запорожье атом электр станциясида хавфсизликни таъминлаш зарурлиги ҳақида гапирди.

"Запорожье атом электр станциясига қилинган янги ҳужумлардан сўнг, такрор айтаманки, станция хавфсизлигини таъминлаш учун ҳамма нарса қилиниши керак. Биз бугун президент Зеленский билан бу масалани муҳокама қилдик. АЭС хавфсизлиги юзасидан саъй-ҳаракатларимизни давом эттирамиз", деб ёзди Макрон Twitter саҳифасида.

Украина президенти Влaдимир Зеленский кечки мурожаатида Макронга қўллаб-қувватлагани учун миннатдорчилик билдирди ва яна Запорожье атом электр станциясини демилитаризация қилишга чақирди.