Маданият вазири ёшлар билан учрашди

Ўзбекистон Республикаси маданият вазири Озодбек Назарбеков ўзига бириктирилган ёшлар билан очиқ мулоқот ўтказди. Учрашув Шайхонтоҳур туманида бўлиб, унда “Боғкўча” ва “Жарариқ” маҳалласидан жами 25 нафар ёш иштирок этди.

Вазир қабулида ўнга яқин ёшлар муаммолари шу ернинг ўзида ҳал этилган бўлса, қолган мурожаатлар алоҳида назоратга олиниб, босқичма-босқич ечим топиши учун чора-тадбирлар режасига асосланган “Йўл харитаси” тузилди.

Учрашув якунида вазир, ёшлар билан мунтазам ишлаб, келгусида муаммоларни ҳал қилишда амалий ёрдам кўрсатиш ва уларни қўллаб-қувватлашга доим тайёр эканлигини таъкидлаб ўтди.