Лондон Путинга яқин бўлган шахсларга қарши янги санкциялар тайёрлади

Лондон Путинга яқин бўлган шахсларга қарши янги санкциялар тайёрлади

Буюк Британия ҳукумати Украинага қарши уруш учун Россияга қарши янги санкциялар киритилишини эълон қилди.

Ташқи ишлар вазири Жеймс Клеверлининг сўзларига кўра, жазо чоралари «Россия президенти Владимир Путин ҳарбийлари таянадиган шахслар ва ташкилотларга қаратилган бўлиб, Россияга иқтисодий босимни тезлаштириш, унинг ҳарбий машинасига путур етказиш ва Украинанинг ғалаба қозонишига ёрдам бериш учун мўлжалланган».

Гап ҳарбий маҳсулотлар ишлаб чиқарувчи олтита компания, битта ташкилот ва Россия Федерациясининг саккиз фуқароси ҳақида бормоқда.

Хусусан, Путиннинг дўсти ва курсдоши, россиялик бизнесмен Николай Егоров, Путин режимининг молиявий базасини яратишда иштирок этган деб ҳисобланадиган «Озеро» кооперативи асосчиларидан бири Виктор Мячин санкциялар остида қолади.

Бундан ташыари, «Абрау-Дюрсо» компаниялар гуруҳига эгалик қилувчи бизнес-омбудсман Борис Титов, Regnum ахборот агентлиги бош муҳаррири Сергей Руднов ва мустақил матбуотда Россия президентига яқин бўлган «Россия» банкининг миноритар акциядори Светлана Кривоногихга жазо чоралари жорий этилади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!