Лондон Афғонистондаги Save the Children ННТни молиялаштиришни 7 баробарга қисқартирди

Олдин ваъда қилинган 7 миллион фунт стерлинг ўрнига Британия ҳукумати 1 миллион фунтдан сал кўпроқ маблағ ажратди, дейди ноҳукумат ташкилот The Guardian нашрига. Декабрь ойида бошланган дастур 100 000 афғонни соғлиқни сақлаш ва таълим билан таъминлаши керак эди. Аммо энди уни бутунлай ёпишга тўғри келиши мумкин.

Британия Ташқи ишлар вазирлиги гуманитар дастурларни молиялаштиришни камайтирмасликларига, балки уни бошқа манбалардан, масалан, Афғонистонни тиклаш траст фонди (ARTF) орқали йўналтиришларига ишонтирди.

🔸Аввалроқ БМТ Жаҳон озиқ-овқат дастурида афғонларга инсонпарварлик ёрдами учун ажратиладиган маблағни қисқартириш бўйича хавфли тенденциялар ҳақида хабар берилган эди.