Куёвини катта ёшли аёл билан тутиб олган ўзбек қизи тўйни тўхтатди

Репост нашрида бир неча йил давомида қайлиғи томонидан алданган қизнинг ҳикояси нашр этилди.

21 ёшли қиз қайлиғи билан тўрт йил давомида учрашиб юради. Улар яхши ният билан оила қуришга қарор қилишди. Уларнинг муносабатларидан жуфтликнинг яқинлари, ота-онаси ҳам хабардор бўлиб, уларнинг оила қуришларига барча рози эди.

- Фарҳод билан учрашиб юрган тўрт йилимиз давомида муносабатларимиз жуда яхши эди. Мен доим унга қулоқ солишга, арзимас сабаблар туфайли тортишиб қолмасликка ҳаракат қилардим, - дейди қиз.

Қизнинг қайд этишича, йигит уни қатъий назорат қилмаган, фақат у қизнинг ишлашига қарши бўлган. 

- Менга унинг муносабатидаги энг ёқмаган жиҳат, у доим мени иш жойларимдан бўшатиб олишга ҳаракат қилар эди. Қаерга ишга жойлашсам, у бу жой мен учун эмаслигини айтарди, - дейди қиз.

Ўтган тўрт йил давомида қиз бирор жойда бемалол ишлай олмайди. Буни кўрган ота-онаси уни жиянлари ишлайдиган болалар боғчасига ишга жойлаштиришади. Йигитга эса бу сафарги иш жойи ҳам маъқул келмайди. 

- У болалар боғчаси қаерда жойлашганини билганида қаттиқ асабийлашди ва бу ишдан кетишимни талаб қилди. Мен бу сафар унга нима ёқмаганини тушунмадим. Ҳа, у норози эди, лекин бу иш болалар билан боғлиқ эди.  Орадан бироз вақт ўтибгина иш жойимнинг унга нима учун ёқмагани сабабини тушундим, - дейди қиз.

Бир куни қиз синглиси билан кўчада кетаётиб тасодифан йигитни бегона аёл билан кўриб қолади. Улар боғчанинг қаршисидаги кўп қаватли уй ёнида бирга туришарди. 

- Аёл кўринишидан 40 ёшларга борган, сочларини сариқ рангга бўяб олганди. Фарҳод уни биз билан таништирар экан, бизни синглиси деб таништирди. Мен хайрон бўлиб қолдим, мени нега "синглим" деб таништирганига тушунмадим. Унинг барча оила аъзолари муносабатларимизни билишар, бунинг устига, бир неча ҳафтадан кейин тўйимиз бўлиши керак эди, дейди жабрланган қиз.

Унинг сўзларига кўра, бу аёл суҳбат давомида доим куёвига "ёпишган" ва ўзини жуда очиқ тутган. Қиз бу ерда нохуш нимадир борлигини сезган. Шунда қиз қайлиғининг ўзи ишлайдиган боғча жойлашган манзилдан нега норози эканини тушуниб етади. Уйга келган қиз содир бўлгна воқеа ҳақида узоқ ўйлайди ва барчасини онасига айтиб беради.

 - Менга Фарҳод бу аёл билан таништирганидаги аёлнинг ўзини тутиши ёқмади. Мен ораларида нима гап борлигини аниқлашга қарор қилдим. Шубҳаларимни унинг ўзига сездирмадим. Бир сафар кинода ўтирганимизда у кастьюмининг чўнтагида телефонини қолдириб, бир неча дақиқага ташқарига чиқиб кетди. Мен дарҳол телефонимга иккинчи телеграм аккаунтини қўшдим, СМС орқали кодни тасдиқлаб, унинг хабарларини яширинча ўқишў мақсадида СМСни ўчириб ташладим, - дея воқеани изоҳлайди қиз.

Бу аёл билан ёзишмалар йигитнинг хиёнатини исботлади. Шунингдек, қиз дўстлари ва қўшнилари орқали аёлнинг уч фарзанди борлиги ва турмуш ўртоғи Россияда ишлаб пул топаётганини аниқлайди. Маълум бўлишича, унинг қайлиғи бу аёлнинг уйига доимий равишда келиб турар экан.

- Мен ўзим уни бир неча бор ўша уйдан чиқиб келаётганини кўрдим. Унинг иккиюзламачилигига амин бўлиб, унга турмушга чиқмасликка қатъий қарор қилдим. Ҳаётимнинг тўрт йилини ўтказган бўлсам ҳам, бу ҳақда билиб қолганимдан хурсандман », - деб қайғусини бўлишди қиз.

Фарҳод ўз севгилисини чақирди ва у нима бўлаётганини тушунганида, у ҳаммасини нотўғри тушунганини, аёлникига бундай мақсадда бормаётганини айтиб узр сўрай бошлади. Қизнинг ота-онаси ёлғиз қизи учун қайғуриб, хафа бўлишди. Аммо қиз бундан унчалик хавотирланмади, чунки у дарҳол куёвдан совиди, чунки унинг қўлида унинг аёл билан ёзишмаларининг скриншотлари бор эди. 

- Албатта, бу мени тушкунликка туширди. Мен умримнинг кўп йилларини унга бағишладим ва уни мамнун қилиш учун ҳамма нарсадан воз кечдим. Мен бу қурбонлик хато эканлигини англадим ва хозир дўконда иш топдим », - дейди суҳбатдош. 

Қизнинг тушунтиришича, йигит унинг ота-онасининг телефон рақамларига қўнғироқ қилган ва  уни қанчалик севиши ва барибир фақат у ҳақида ўйлашини айтиб хабарлар ёзган. 

- У менга қандай қилиб бундай қилганини ҳалигача тушунмайман. Кейинчалик, онаси уни ўз қишлоғидаги бир қизга уйлантиришга қарор қилди. У бошқа одамнинг ҳаётини барбод қилмоқчи эмас эди, лекин оиласининг босими туфайли турмуш қуришга мажбур бўлди. Ҳатто тўйи куни ҳам у дадамнинг рақамига хабарлар юборди ”, деди қиз.

Хозир қиз ишлаяпти ва ўз қароридан пушаймон эмас. Келажакда ўқишга кириб, ўзи хоҳлаган ҳаётни қуришни ният қилмоқда.