Кескин танқидлар! Криштиану Роналду: "Камол Сойдере ролини мен ўйнасам бўлмасмиди?" (фото)

Дарё нашри ҳафта ўртасида ижтимоий тармоқдаги энг кўп муҳокамага сабаббўлган, машҳур постларни ўртоқлашди.

Сериалларга ишқибозлик неча юз минг долларга тушди?

Ўзбек интернет тармоғида шу кунлардаги энг муҳокамали мавзу, бу эски касаллик, шоу-бизнес мавзуси бўлди. Тошкентга қайсидир сабаб билан келган турк актёри Бурак Ўзчивитнинг келишидан кўра бойвачча хонимлар унга сарфланган бир неча юз минг доллар кўпроқ баҳс келтириб чиқарди. Буни эшитган тармоқ фойдаланувчиларидан айримлари ҳайратга тушди, айримлари исрофдан нафратланди. У билан суратга тушган аёллар ҳақида салбий фикрлар билдирдилар. Улардан айримларини келтирамиз.

Дима Қаюм

Турк актёри 400 минг долларга яқин пул ишлаб олибди биздан

Онкологик шифохонадаги болалар

Юраги порок бўлган гўдаклар

Ночор оилалар

Бева-бечоралар

Қариялар

Ногиронлар

Бор эди.

Уялинглар!!!

* * *

Хуршид Ҳабиб

#choyichish

2002 йили Япония ва Жанубий Кореяда бўлиб ўтган жаҳон чемпионатидан кейин япон қизлари гуруҳ-гуруҳ бўлиб турк футболчиси Ильхан Мансизни ёқтириб қолишган ва Мансиз Японияга бир неча марта чой ичгани борган. Шу маънода чой ичиш фақат бизнинг аёлларимизнинг камчилиги эмас. Ярашмаган томони ўртача (тоза) ойлик 100 150 доллар атрофида бўлган мамлакатда пулни маза-бемаза нарсага сарфланганидир. Ундан кўра шу пуллар Дима Қаюмнинг хайрия ишларга берилса яхши бўлмасмиди?

Уволи тутсин.

* * *

Барно Султанова

Ҳаётда пулдан ҳам қиммат турадиган сотилмас, сотиб олиб бўлмайдиган нарсалар бор. Бу ор, бу ғурур. Турк актёри учун тўланган пул ҳисоб-китобини қилмоқчи эмасман. Ўша биргина реклама учун турк актёрини чақирганимиз учун унинг оёғига пояндоз бўлганимиз учун ҳайратланасан киши. Ор учун ташлашмаймизми, ғурур учун талашмаймизми? Ачинарлиси, қизларнинг уни ўраб олиб суратга тушгани, янаям хунуги, овқат еётган актёрнинг пешонасига бориб олиб талашиб-тортишиб суратга тушгани. Қанча сурат кўрган бўлсам, атрофида ёш-ёш қизлар. Фахр билан суратга тушяпти. Энг одамни ижирғантирадигани, уни овқат ейишга ҳам қўймаётгани, энг кулгилиси, актёрнинг ўзи хўрлангандек шумшайиб ўтиргани, тургани. Бу нима, биласизми? У ҳайратда, аёлларимизнинг юзсизлигидан, сирти маданиятли кўрингани билан, ички маданияти йўқлигидан ҳайратда!!! Баъзи аёлларнинг Туркияда ёмон номи чиқиб келаётгани ҳам ҳеч кимга сир эмас. Буни ишсизликка, пулсизликка йўйманг. Инсон ғурури, ори билан ҳайвондан фарқ қилади. Ҳамма оч қолаётган, пулсиз яшаётган аёллар ўзини сотаверса, андиша, ҳаё, ибо деган тушунчаларни луғатдан ўчириб ташлашга тўғри келади. Мана шу турк актёрини чақириб фалон пулни беқадр қилиб сочиб ташлашимизнинг ўзи бизда ғурур, ор йўқлигидан дарак. Суратларига, видеоларига қарасангиз, ўзини жуда ноқулай ҳис қилаётгани кўриниб турибди. Агар салгина жилмайса, қучоғига кириб кетишидан қўрққандир шўрлик. Сизлар учун, шундай аёллар борлиги учун у уялиб кетгандир. Шаҳримиз чиройли, меҳмонхоналаримиз даҳшатдир. Хизмат кўрсатишга гап йўқ. Овқатлари фалон пул. Аммо актёрни бир лаҳза ҳам тинч қўймаган, овқатининг устига чиқиб олган қизлар, аёллар худди ибтидоий жамоада яшаётгандек тасаввур уйғотади одамда. Худди актёр жунглига бориб қолгану, қабиладаги одамлар четдан келган сайёҳларга оғзини очиб қараб қолгандек тасаввур уйғотади одамда.

* * *

Тролл Football UZ

Маълумот ўрнида, жаҳоннинг энг кўп маош олувчи футболчиси Лионель Месси кунига 296 400 евро, ундан кейинги ўриндаги Криштиану Роналду эса 24 соат ичида 167 850 евро маблағ топади.

* * *

Ҳамза Жумаев

Пулку майли, хотин-қизларимизнинг ори, ғурури ҳам Буракжон пойига тушибди... Ҳой эркак ! Хотининг, опанг, синглинг, қизингни йиғиштиролмасанг, сенга Ватанни ишониб бўлмайди!

* * *

Шуҳратбек Само

Бурак Туркияга боргач, хотини Фахрияга Ўзбекистондан не нозанинлар атрофимда гирдикапалак бўлишди, аммо мен... , деса ҳам ажаб эмас. Аммонинг уёғини ёза олмайман. Нима бўлгани менга қоронғу. Агар Бурак Ўзчивит одобли инсон бўлса, ўзбек қизларининг бу қилиғи ҳақида гапирмаса керак. Ишқилиб шундай бўлсин.

 

Музаффар Абдураҳимов

Бу кеча анови Кемал билан нонушта қилганларнинг эрлари ўзларин энг бахтли одам деб ўйлашса керак, чунки хотинлари бугун уларни Кемалим деб чақиришади.

* * *

Муҳаммад Темур Аъзам

Буроқ отни боқиш анча қиммат эканей.

* * *

Мавзуга доир энг оригинал изоҳлар учлиги.