Жиззахда фуқаро танишини шахсий маълумотларини ошкор қилиш билан уни қўрқитиб 3.000.000 сўм талаб қилди

Жиззахда фуқаро танишини шахсий маълумотларини ошкор қилиш билан уни қўрқитиб 3.000.000 сўм талаб қилди

Жиззах вилоятида Жорий йилнинг 28 апрель куни 21 ёшли Ю.Ж. вилоят Ички ишлар бўлимига ариза билан мурожаат қилиб, унда олдиндан таниш бўлган 25 ёшли Р.М. ҳайдовчилик гувоҳномаси ўғирланмаган бўлса-да, “ҳайдовчилик гувоҳномамни шерикларинг ўғирлаб олган” - деб айтиб, гўёки уни ўғирланганлиги бўйича ИИБга ариза билан мурожаат қилиб, шу орқали ота-онасини ички ишлар идорасига чақиртириб, уларни олдида шармандасини чиқаришлигини, енгил табиатли аёллар билан боғлиқ муносабатлари, уларга пул сарфлаётганлиги тўғрисида ота-онасига хабар қилишини рўкач қилиб, Ю.Ж. учун сир сақланиши лозим бўлган шахсий маълумотларни ошкор қилиш билан уни қўрқитиб, ундан товламачилик йўли билан 3.000.000 сўм миқдоридаги пулларни беришга мажбур қилаётганлиги учун унга нисбатан қонуний чора кўришни сўраган.

Мазкур ариза юзасидан ўтказилган тезкор-тадбир давомида, юқоридаги шахс Жиззах шаҳар Сайилжойи МФЙ ҳудудида жойлашган “SIMPLE” кафеси яқинида аризачидан талаб қилинган 3.000.000 сўм пулларни олган вақтда ашёвий далиллар билан қўлга олинган.

Мазкур ҳолат юзасидан Жиззах шаҳар ИИБ ҳузуридаги тергов бўлими томонидан Р.М.га нисбатан Ўзбекистон Республикаси Жиноят кодекснинг 165-моддаси 1-қисми (товламачилик) билан жиноят иши қўзғатилган.

Ҳозирда жиноят иши юзасидан дастлабки тергов ҳаракатлари олиб борилмоқда.

Таъкидлаш жоизки, Жиноят кодексининг нормаларига кўра, жиноятни содир этган шахс 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан билан жазоланиши мумкин.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!