Жанубий Кореяда Туркманистон фуқароси қўлга олинди

Жанубий Кореянинг Кванжу шаҳрида автоҳалокатдан кейин Туркманистон фуқароси қўлга олинди. Бу ҳақда жанубий Кореянинг МBC телеканалига асосланиб turkmen.news хабар бермоқда.

Ҳодиса 20 апрель куни кечқурун аҳоли турар жойидаги тор ўтиш қисмида содир бўлган. Қора машина тўхтаб турган бир нечта машинани уриб, кейин йўлда давом этган. Мотоциклда бўлган бир нечта курьерлар воқеа гувоҳи бўлишган. Улар ҳайдовчининг маст бўлганидан гумон қилишган ва унинг орқасидан қувишган. 200 метрдан кейин улар машинани тўсиб қўйишга ва қаршилик кўрсатган ҳайдовчини ҳибсга олишга муваффақ бўлишган.

Полиция ҳибсга олинган шахс Туркманистоннинг 20 ёшли фуқароси эканлигини аниқлади. У маст эди, аммо қонидаги алькогол миқдорини ўлчашдан бош тортди. Бундан ташқари, йигит ҳайдовчилик гувоҳномасига эга бўлмаган.

Машинада ҳайдовчидан ташқари яна икки йўловчи бўлган. Уларнинг шахси ҳақида ҳеч нарса хабар қилинмади.

Jnilbo манбаси ҳибсга олинган шахснинг исмини "A" деб ёзади. Газетанинг ёзишича, йигит бешта машинага зарар етказган. Бошқа бир маҳаллий нашрга кўра, ҳибсга олинган шахс Жанубий Кореяда қонуний равишда яшаган. У бошқарган машина бошқа шахс номида бўлган. Чет эл фуқароси йўл ҳаракати қоидаларини бузганликда айбланди, тергов олиб борилмоқда.