Индонезия ўсимлик мойи экспортига қўйилган тақиқни бекор қилади

Индонезия мамлакатдан ўсимлик мойини экспорт қилишга қўйилган тақиқни бекор қилади, деди Индонезия президенти Жоко Видодо.

"Ҳукумат 23 майдан бошлаб ўсимлик мойи экспортини очади", - деди у.

"Шу билан бирга, ўсимлик мойи дистрибуциясида эҳтимолий қонунбузилишларни ҳисобга олиб, ҳуқуқни муҳофаза қилиш органларига суриштирув ўтказиш ва айбдорларни жазолашга буйруқ бердим", - дея қўшимча қилди Видодо.

Мамлакат ҳукумати 28 апрелда ўсимлик мойи экспортини тақиқлаганди.

Индонезия палма мойи ишлаб чиқариш бўйича дунёда биринчи ўринда туради.