"Ҳайдовчи ички ишлар ходимларига бўйсинмай «ТУНГИ КАПАЛАК» қизларни олиб қочиб кетди”

Жиноят / Юртимизда
A A A
"Ҳайдовчи ички ишлар ходимларига бўйсинмай «ТУНГИ КАПАЛАК» қизларни олиб қочиб кетди”

Ижтимоий тармоқларда тарқалган “Оқ Нексия ҳайдовчиси ички ишлар ходимларига бўйсинмай «ТУНГИ КАПАЛАК» қизларни олиб, қочиб кетди” сарлавҳаси остида жойлаштирилган видеотасвир юзасидан расмий маълумот берилди.

Ушбу ҳолат бўйича видеотасвирлар жорий йилнинг 22 март кунидан 23 март кунига ўтар кечаси соат тахминан 02.00 да Яшнобод тумани Шаҳрисабз кўчасида тасвирга олинганлиги аниқланди.

Унга кўра, Яшнобод тумани ИИО ФМБ 2-сон ИИБ томонидан хизматга жалб қилинган Патруль-пост хизмати ходимлари ўз хизмат йўналиши бўйича фаолият юритаётган вақтда, оқ рангли “Nexia” русумли автомобиль эгаси 27 ёшли Аброр Х. ички ишлар ходимлари томонидан тўхташ ишораси кўрсатилганига қарамасдан, ўз ҳаракатини давом эттирган.

Тошкент шаҳар ИИББ ЙҲХБ томонидан ушбу фуқарога нисбатан Ўзбекистон Республикаси МЖтКнинг 194-моддаси  (“Ички ишлар органлари ходимининг қонуний талабларини бажармаслик”) билан баённома расмийлаштирилди ҳамда автомашина жарима майдончасига жойланди.

Тез орада ушбу ҳолат бўйича видеолавҳа орқали батафсил маълумот олишингиз мумкин, дейди "iibb.uz".

Киритилди: 15:59 25.03.2020. Ўқилди: 5459 марта. Фикрлар сони: 0 та.
Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!