Дунёдаги энг қиммат машина картондан ясалди

Дунёдаги энг қиммат машина картондан ясалди

YouTube блогер King of Crafts видео орқали дунёнинг энг қиммат машинаси — Royse Boat Tail нусхасини яратиш жараёнини кўрсатди.

У энг оддий ва энг арзон материал — картондан машинанинг корпус панелларини ясаган, шунингдек, алюминий қувурлардан ҳам фойдаланган.

Нусха бироз қўпол бўлиб чиққанига қарамай ҳаракатланмоқда. Эшиклари ишлайди, рул ва педаллари бор, у соатига 50 километр тезликда ҳаракатланади.

Boat Tail картон нусхасини яратиш учун бир неча ҳафта керак бўлган.

Видеода барча босқичлар — пўлат қувурларни пайвандлаш ва ғилдиракларни ўрнатиш, синовдан ўтказиш ва елим ёрдамида ёпиштирилаётган картондан ясалган корпусни кўриш мумкин.

Блогернинг ўзи рул ва педалларни алюминий қолдиқларидан ясаган ва олд панел, радиатор панжараси, ғилдирак камарлари ва бамперлар учун қисмлар яратишда картонлардан фойдаланган. Фақатгина бир нечта тайёр элементлардан бири бу бошқа машинадан қарзга олинган ўриндиқлардир.

Boat Tail атиги уч нусхада мавжуд, уларнинг ҳар бири 28 миллион долларни ташкил этади. Модель Phantom’дан бошлаб Rolls-Royce’нинг барча янги моделлари асосланган Luxury Architecture of Luxury платформасида қурилган ва 6,75 литрли V12 двигатель билан жиҳозланган. Учта йиғилган машинадан бири қўшиқчи Бейонсе ва унинг турмуш ўртоғи реппер Jay-Z’га тегишли экани ҳақида миш-мишлар тарқалган.

Бу блогернинг биринчи меҳнат маҳсули эмас, унинг арсеналида Mercedes-АМG G 63 тўлиқ ўлчамли картон нусхаси бор, у ҳам ҳаракатда ва соатига 40 километргача тезлаша олади.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!