Дракула қасри вакцинация марказига айлантирилди

Дракула қасри вакцинация марказига айлантирилди

Руминиядаги ўрта асрларга тегишли Бран қасри ёки Дракула қасри вакцинация марказига айлантирилди. Хоҳловчилар май ойи давомида жума, шанба ва якшанба кунлари бу ерга олдиндан ёзилмасдан келиб эмланиши мумкин.

Уларни ниқобларига вампирларнинг сўйлоқ тишлари тасвирланган шифокорлар кутиб олади. Улар ҳазиллашиб одамларни “тишлашларини” айтишмоқда, фақат бу орқали вампиризм эмас, коронавирус антитаналари юқади.

Pfizer вакцинаси билан эмланганларга сарой бўйлаб экскурсия ҳам совға қилинади. Музей раҳбарияти шу йўл билан бундан 500-600 йил олдин Европада одамлар қандай азобланганини кўрсатишмоқчи.

Аммо биринчи навбатда янги усул билан улар аҳолининг вакцинацияга муносабатини ўзгартирмоқчи. 19 млндан кўпроқ аҳоли яшайдиган Румыния хукумати сентябргача 10 млн одамни коронавирусга қарши эмламоқчи. Ҳукумат бу акция сайёҳларнинг Карпатга қайтишига хам сабаб бўлишига умид қилмоқда.

Бран Дракула саройи деб аталишига сабаб – Брэм Стокернинг “Дракула” асари прототипи Влад Цепеш ўз сафарлари чоғида шу ерда тунаган.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!