Диёр Имомхўжаев: Барча учрашувлар учун чипталарни олдиндан онлайн сотувга чиқариш керак эди
Катта мусобақаларда Ўзбекистон тажриба тўплаяпти. Менимча, навбатдаги шундай мусобақада финалгача бўлган барча учрашувлар учун чипталарни олдиндан онлайн сотувга чиқариш керак. Шунда, айтайлик, финални кўрмоқчи бўлган ҳақиқий мухлисда унга кириш имконияти кўпроқ бўлади. Фақатгина Ўзбекистон чиқсагина финалга бораман деган кишиларда нисбатан камроқ бўлади.
Гуруҳ босқичи ўйинлари қайси стадионда ва кимлар иштирокида ўтиши олдиндан аниқ. Қолган босқичларда стадионлар ва вақтлар аниқ бўлади, аммо жуфтликлар кейинроқ келиб чиқади. Мухлислар Ўзбекистон термасининг имконияти ва ўйинларига қараб чорак финал, ярим финал, финал чиптасини ҳарид қилиши мумкин. Бу ҳозиргидек ҳолатга нисбатан яхшироқ ечим бўлиши мумкин.
Факт шуки, бундай масштабдаги ўйинларда максимум 28 минг чипта сотувга чиқади. Талаб эса миллиондан юқори. Нарх ҳам шундан келиб чиқиб белгиланади. Биз катта мусобақалар мезбонлиги орқали панд еб, тажриба тўплаб, режалаштириб борамиз. Ҳозирги ҳолатда ЎФА вакилларига ҳам, футбол мухлисларига ҳам сабр тилаймиз.
Диёр Имомхўжаев
