Де Брюйне, Салоҳ, ван Дейк, Бруну, Каземиро, Бернарду ва Варан – саудияликларнинг ёздаги трансфер мақсади

Саудия Арабистони клублари ёзда ўз сафларига юлдуз футболчиларни жалб этишда давом этишади.

ESPN тарқатган хабарга кўра, саудияликлар 2024 йилда ҳам трансфер бозорида фаол бўлиб, ўйинчиларга катта маош таклиф қилишади. Уларнинг рўйхатидан Кевин де Брюйне, Муҳаммад Салоҳ, Виржил ван Дейк, Алиссон, Рафаэль Варан, Каземиро, Бруну Фернандеш, Бернарду Силва ва Андреас Перейра ўрин олган.

Шунингдек, Саудия клублари ёш футболчиларни ҳам қўлга киритишга уруниб кўришади. Жумладан, улар «Ювентус»нинг 20 ёшли футболчиси Матиас Соулега қизиқиш билдиришмоқда.

Бундан ташқари, Саудия жамоалари таниқли мураббийларни ҳам таклиф этишни кўзлашмоқда. Номзодлар орасида Томас Тухель, Маурисио Почеттино ва Сержиу Консейсау ҳам бор.