Дарё транспортида юк ташиш қоидалари тасдиқланди

Ўзбекистон Республикаси Вазирлар Маҳкамасининг “Ўзбекистон Республикаси кемачилиги соҳасида хавфсизликни таъминлашга оид чора-тадбирлар тўғрисида” 2023 йил 11 сентябрдаги 462-сон қарори билан дарё транспортида юк ташиш қоидалари тасдиқланди.

✅ Қоидаларнинг божхона назорати ва расмийлаштирувига доир қисмига биноан, Ўзбекистон Республикасига олиб кирилаётган ва олиб чиқилаётган кемадаги товарлар ва экипаж аъзолари ва йўловчиларнинг шахсий буюмлари, валюта бойликлари божхона назорати ва расмийлаштирувидан ўтказилиши шарт.

✅ Кемаларнинг божхона расмийлаштируви учун буюртма дарё флоти бўйича навбатчи диспетчер томонидан берилади.

✅Чет элга жўнаб кетувчи кемалар портда турган вақтда чегара назорати бўлинмалари ва божхона органларининг назорати остида бўлади.

✅Чегара назорати бўлинмалари ва божхона органлари томонидан чегара ва божхона назорати амалга оширилаётган кемаларнинг ёнига тўхташ, шунингдек, бортдан қирғоққа ёки қирғоқдан бортга бирор-бир буюмларни узатишга йўл қўйилмайди.

✅Божхона органларининг мансабдор шахслари ўз хизмат вазифаларини бажариш учун кема бортига исталган вақтда чиқиши мумкин.

✅Кема экипажи аъзолари томонидан божхона иши тўғрисидаги қонунчилик ҳужжатлари талаблари бажарилмаган тақдирда, жўнатиш божхона пости ходими назоратни тўхтатишга ҳақли.

Ҳужжат билан кемалар ва юкларнинг божхона расмийлаштируви учун зарур ҳужжатлар рўйхати тасдиқланди.

Шунингдек, кемаларнинг Ўзбекистон Республикасига киришда ва чиқишда божхона назорати ва расмийлаштирувида тартиби белгиланди.