Даҳшат! Қотиллар ота ва унинг уч ўғлини нега ваҳшийларча ўлдирганини айтиб беришди (ВИДЕО)
Тожикистон Ички ишлар вазирлиги Жайхун шаҳрида яшовчи Aҳлиддин Махмадов ва унинг уч ўғлининг шов-шувли қотиллиги тафсилотлари акс этган видеони эълон қилди. Видеода гумондорлар бир оиланинг тўрт аъзосини "қасос ва рашк туфайли" болта билан қандай ўлдиришганини айтиб беришди.
Ички ишлар вазирлиги ҳисоботида гумон қилинаётганлар ўлдирилган одамнинг қишлоқдошлари, Жайхун вилоятида яшовчи Қиёмиддин Насриддинов ва Махмадгаюр Хайбуллоев эканлиги қайд етилган.
Фожиага Махмадгаюур Хайбуллоев дўсти Қиёмиддин Насриддиновга Насриддиновнинг рафиқаси Махмадов билан бирга унга хиёнат қилаётганини айтгани сабаб бўлган.
«Воқеа содир бўлган куни хотиним онаси билан эди, кечқурун мен ҳам у ерга бордим. У ерда хотиним билан жанжаллашиб қолдик. Шундан сўнг мен Aҳлиддиннинг олдига бордим ва биз жанжаллашиб қолдик. Мен қайнонамнинг уйига қайтдим ва тунги соат 2 да ўрнимдан турдим, кийиндим ва Хайбуллойевни чақирдим. Биз иккита болта олиб, Aхлиддиннинг уйига бордик", - дейди Насриддинов.
Махмадгаюр Хайбуллоев Насриддинов айтганларнинг ҳаммасини тасдиқлади ва бу жиноятни олдиндан режалаштирганликларини қўшимча қилди.
Улар қандай қилиб Махмадов ва унинг оиласини ўлдиришганини, кейин уйни ёқиб юборишганини батафсил тасвирлаб беришди. Ёнғин тутунидан қўшнилар югуриб келиб, фожиа ҳақида билишди. Махмадовнинг рафиқаси Латофат Aзизова ва ўғилларидан бири мўъжизавий тарзда омон қолган. Aйнан Латофат Aзизова гумонланувчиларни ўз оиласининг қотили деб айтди.
Шу билан бирга, иккала гумондор ҳам 2021 йил апрель ойида ўғриликда айбланиб ҳибсга олинганлиги қайд этилган. Кейин улар жарима билан чиқиб кетишган.
Энди уларга нисбатан Тожикистон Жиноят кодексининг 104-моддаси 2-қисми билан жиноят иши очилди.
Эслатиб ўтамиз, қотиллик 11 июндан 12 июнга ўтар кечаси содир бўлган. 39 ёшли Aхлиддин Махмадов ва унинг 8, 13 ва 14 ёшли уч фарзанди ўлдирилган.
Кейинроқ, Ички ишлар вазирлиги 37 ва 33 ёшли маҳаллий аҳоли ушбу жиноятда гумон қилинаётгани ҳақида хабар берганди.
