Чет тили имтиҳони учун талабгорларни рўйхатга олиш бошланди

2023 йил 20 январь куни февраль ойида бўлиб ўтадиган чет тилини билиш даражасини аниқлаш тест синовлари учун талабгорларни рўйхатга олиш бошланди.

Талабгорларни рўйхатга олиш my.gov.uz сайти орқали амалга оширилмоқда ва 30 январь (тўловни амалга ошириш 31 январь) га қадар давом этади.

Рўйхатдан ўтишда талабгорлар имтиҳон топшириш ҳудудини ўзлари танлашлари ва мазкур ҳудудда тест синовларида иштирок этишлари мумкин.

Бунда тест синовининг ёзма (тинглаб тушуниш, ўқиш, ёзма иш) қисми 12-феврал куни бўлиб ўтади. Гапириш кўникмасини баҳолаш имтиҳонлари эса ёзма имтиҳонлардан олдин ташкил этилади.