Буйрак касалликларини аниқлашнинг самарали усули ишлаб чиқилди
“Сколтех”, шунингдек, Сеченов университети ва бошқа бир қатор Россия тиббиёт марказлари мутахассислари одам пешобидаги маълум турдаги оқсилларнинг концентрациясини аниқлашга асосланган сурункали буйрак касаллигини дастлабки босқичларда ташхислашнинг янги ноинвазив усулини ишлаб чиқишди.
Буйрак функцияси меъёрда бўлса, одамнинг пешобига минимал миқдордаги оқсил кириб боради, аммо агар бирон бир касаллик юзага келса, уларнинг пешобдаги миқдори баъзи ҳолларда 1000 мартагача ошади. Илгари бу факт фақат патологиянинг мавжудлигини, унинг сабабини кўрсатмасдан аниқлаб берарди, чунки буйрак касаллигининг пайдо бўлишига қандли диабет, тез-тез юзага келадиган юқори қон босими, қандайдир яллиғланиш ва ўсма сабаб бўлиши мумкин.
Рус олимлари ўз тадқиқотида пешобдаги концентрациянинг ошиши патология турини ҳам, унинг мураккаблик даражасини ҳам кўрсатиши мумкин бўлган оқсилларни аниқлашди. Ҳозиргача ушбу ёндашув учта турдаги патологияларга нисбатан қўлланилган. Тадқиқотчилар ушбу касалликларга чалинган одамларда турли хил оқсилларнинг концентрациясини ўлчаб, уларни соғлом одам билан солиштиришди.
Ушбу патологиялардаги оқсилларнинг таркиби ва турларини ўрганиб чиққан олимлар буйраклардаги бошқа турдаги оқсилларнинг таркибини ўрганишни режалаштирмоқда, деб хабар беради techcult.ru.
