Бурак Озчивитнинг “нусхалари” Истанбул кўчаларида сайр қилмоқда

"Қурилиш. Осман" сериалининг учинчи мавсуми бошланиши билан Истанбулда “бум” бошланди, кўпчилик Бурак Озчивитга ўхшашни истамоқда.

Минглаб эркаклар машҳур актёр услубида соқол қўйишни бошладилар.

Нишантасида жойлашган элита салонларидан бирининг ходимлари ушбу тенденцияни тасдиқлайдилар: "Мижозлар соқол ўстириб, “Озчивитникига ўхшаб” кесишларини сўрашади. Ўтган йили биз бундай тенденцияни кузатмагандик. Бу янги тенденция", - дейди уста Онур Гумуш.

Журналистлар, ўз навбатида, ижтимоий тармоқларда мини-сўров ўтказишга қарор қилишди. Сўров фақат эркаклар ўртасида ўтказилди ва унда қуйидаги савол бор эди: “Сиз Бурак Озчивитга ўхшамоқчимисиз?".

Респондентларнинг аксарияти салбий жавоб берди ва бу натижани психолог изоҳлади: “Кўпчилик эркаклар онгсиз тарзда Бурак каби актёрларга тақлид қилишади. Ва агар улар буни атайлаб қилсалар, буни тан олишлари даргумон. Бу психология. Кўп одамлар яширинча бошқа одамга ҳасад қилишларини тан олишни хоҳламайдилар. Ва бундай тақлид яширин ҳасаднинг белгисидир", деб ёзади психолог Aли Бишиоглу.

Эслатиб ўтамиз, Бурак Озчивит “Муҳташам юз йил”, “Қурилиш. Осман”, “Севги изтироби” ва бошқа лойиҳалардаги роллари билан танилган.