Британия ташқи ишлар вазири G7 давлатларини Хитойга технология экспортини чеклашга чақирди

G7 давлатлари Хитойга технология экспортини чеклашлари керак, деди Британия ташқи ишлар вазири Лиз Трусс.

Хитой Буюк Британия ва дунёнинг қолган қисми учун хавфсизлик хавотирларини кўтаради, деди у.

“Биз [Катта еттиликда] бизга қарши ишлатилиши мумкин бўлган технологияни экспорт қилмаслигимизга ишонч ҳосил қилишимиз керак”, - деди Трусс Шимолий Ирландиянинг Белфаст шаҳрида ҳукмрон Консерватив партия аъзолари билан учрашувда.

Аввалроқ Хитой Халқ озодлик армияси Россияда ўтказиладиган “Восток-2022” стратегик қўмондонлик-штаб ўқув машғулотларида иштирок этиши маълум бўлган эди.