Бош котиб БМТ штаб-квартирасининг Нъю-Ёркдан кўчирилишига изоҳ берди

БМТ Бош котиби Антониу Гутерришнинг фикрича, штаб-квартирани Нъю-Ёркдан бошқа шаҳарга кўчириш мумкин эмас.

“Штаб-квартиранинг Нъю-Ёркдаги жойлашуви ташкилотга аъзо давлатлар томонидан Сан-Франсискода (1945 йилда бўлиб ўтган конференсияда – Эслатма) маъқулланган, менимча, бу масала бўйича БМТ Низомини ўзгартириш имкони йўқ”, — деди у.

1946 йилда Нъю-Ёрк расман БМТ штаб-квартираси жойлашган жой сифатида танланди. Бирлашган Миллатлар Ташкилоти штаб-квартирасининг АҚШдаги жойлашуви жаҳон ташкилоти ва Вашингтон ўртасида тузилган ва 1947 йил 31 октябрда Бош Ассамблея томонидан қабул қилинган шартнома (169 сонли резолюция) билан тартибга солинади. Ушбу ҳужжатга кўра, БМТ биноси жойлашган ҳудуд “барча аъзо давлатларга тегишли халқаро зона” ҳисобланади. Америка расмийлари БМТ штаб-квартирасига расмий ташриф буюрувчиларнинг кириши ва чиқишига тўсқинлик қилмасликлари шарт.

Улар орасида БМТга аъзо давлатлар ёки ихтисослашган идораларнинг вакиллари ёки мансабдор шахслари, экспертлар, БМТ томонидан аккредитациядан ўтган журналистлар, шунингдек, маслаҳатлашувларга таклиф этилган нодавлат ташкилотлар вакиллари киради. Қўшма Штатлар бу шахсларга "бепул ва имкон қадар тезроқ" виза бериши керак.