Боғчада болалар кўз ўнгида хотинини ўлдирган эркакка ҳукм ўқилди

Воскресенскда суд ўз хотинини болалар боғчаси тарбияланувчилари олдида ўлдирган Владимир Воробёвни 11 йилга озодликдан маҳрум қилди. Бу ҳақда "Ленте.ру"га Москва вилояти прокуратураси матбуот хизмати раҳбари Наталя Григорьева хабар берди.

Aниқланишича, у 2020 йил 31 август куни тушдан кейин рафиқаси ишлаган болалар боғчасига маст ҳолда келган. Рашк туфайли у хотинининг бўйин, кўкрак ва қўлларига пичоқ билан ўн саккиз марта урган. Aёл олган жароҳатларидан жойида вафот этган.

Эркак Россия Федерацияси Жиноят кодексининг 105-моддаси 1-қисми ("Қотиллик") билан айбдор деб топилди. У жазони қатъий режимдаги колонияда ўтайди.