"Барселона" сафида ЕЧЛни ютган бразилиялик футболчи қамалди

"Барселона"нинг собиқ ҳимоячиси Дуглас Сантос Бразилияда жамоат жойида ўқ узгани учун ҳибсга олинди, деб хабар беради Global Esporte.

Нашрнинг ёзишича, футболчи тунда Бразилия шаҳридаги автотураргоҳлардан бирида ҳавога ўқ узган.

Қайд этилишича, футболчи кейинчалик қуролни ўрмонга яширган ва қурол ҳали топилмаган, бироқ футболчи отишма муаллифи эканлигини тан олган. Сантосни суд кутмоқда.

32 ёшли футболчи ҳозирда жамоасиз, унинг сўнгги клуби 2022 йилда "Бешиктош" бўлган.

У "Барселона" таркибида Чемпионлар лигаси ғолиби, икки карра Испания чемпиони ва мамлакат кубоги соҳиби.