Автобусда 10 кило заргарлик буюмларини олиб ўтишга уринганлар ушланди

Автобусда 10 кило заргарлик буюмларини олиб ўтишга уринганлар ушланди

Тошкент вилояти божхона бошқармаси “Ғишткўприк” чегара божхона пости ходимлари томонидан, ДХХ ходимлари билан ҳамкорликда юртимизга ўтиш учун “Ёутонг БУС” русумли автобусда кириб келган фуқаро К.А. бошқарувидаги транспорт воситаси божхона назоратидан ўтказилганида, автобус салонининг олд қисмидаги совитгичнинг тагида, ҳайдовчи томонидан олдиндан яширилган оғзаки сўровида тақдим этилмаган ҳамда декларацияланмаган 8 дона ўрамдаги, қиймати қарийб 405 млн сўмлик жами 1 745 бирлик, оғирлиги салкам 10 кг бўлган заргарлик буюмлари аниқланди.

Эслатиб ўтамиз, амалдаги тартибларга мувофиқ, жисмоний шахслар божхона чегараси орқали божхона тўловларисиз, йўловчи божхона декларациясида кўрсатган ҳолда умумий оғирлиги 65 граммдан кўп бўлмаган қимматбаҳо металлар ва қимматбаҳо тошлардан заргарлик буюмларини олиб киришлари мумкин.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!