АҚШнинг Россияга ҳужум қилиш режаси билан боғлиқ сири «фош этилди»

2020 йилнинг август ойида АҚШ Ҳарбий ҳаво кучлари катта эҳтимоллик билан Россия эканлиги айтилаётган “номамаълум” бир давлатга қарши ҳаво ҳужумини ишлаб чиққан машқлар ўтказган.

Бу ҳақда “The Drive” нашри хабар берди.

Маълум қилинишича, нашр манбаси қўлида шундай режа борлигини айтган.

Унинг таъкидлашича, сирли режага кўра, асосий мақсад потенциал душман ҳудудидаги энг муҳим стратегик объектларни йўқ қилиниши, бунинг учун бешинчи авлод F-35 қирувчилари, B-2 Spirit бомбардимонлари ҳамда “RQ-170 Sentinel” дронидан фойдаланиш керак бўлган.

Мутахассисларнинг фикрига кўра, АҚШ шу йўл билан ўзининг ҳарбий устунлигини исботлашни хоҳлаган.