АҚШнинг Исроилга нисбатан жиддий айблови бор

Қўшма Штатлар Исроил халқаро гуманитар қонунларни бузган ҳолда Америка қуролларини қўллаган, деб ҳисоблашга асос бор деб ҳисоблайди. Бу ҳақда CNN телеканали АҚШ президенти Жо Байден маъмуриятининг Исроилнинг Америка қуролларидан фойдалангани ҳақидаги ҳисоботига таяниб хабар берди.

Давлат департаменти томонидан тайёрланган ҳисоботда потенциал қонунбузарликлар юзасидан текширувлар давом этаётгани айтилади.

Таъкидланишича, Қўшма Штатлар халқаро гуманитар ҳуқуқни бузишда Америка қуроллари махсус қўлланилган ёки йўқлигини текшириш учун тўлиқ маълумотга эга эмас. Аммо бундай ҳолатлар содир бўлган деб тахмин қилиш ўринлидир.