АҚШ Украинага Россия билан музокара бошлаш зарурлиги борасида сигнал йўллади

АҚШ Украинага Россия билан музокара бошлаш зарурлиги борасида сигнал йўллади

Америка Қўшма Штатлари Украинага Россия билан музокаралар бошлаш зарурлиги тўғрисида сигнал йўллади. Бу ҳақда Жонс Ҳопкинс университети ҳузуридаги халқаро тадқиқотлар мактаби ходими Жозеф Иоффе “Time” журнали учун ёзган мақоласида маълум қилди.

Унинг сўзларига кўра, Украина президенти Владимир Зеленский яқин кунларгача “пинҳоний бўлиб келган таҳдидга дуч келган”. Иоффенинг ёзишича, бу таҳдид “унинг Ғарбдаги олийҳиммат дўстлари” томонидан келмоқда. Улар “ўта ҳалокатли можарога” қўшилиб қолмаслик учун бор саъй-ҳаракатларини ишга солишмоқда.

“АҚШ президенти Жо Байден ўзининг Киевдаги ҳамкасбига Путин билан гаплашишни бошлаш фурсати етганини ишора қилиб қўйди”, - дея ёзади мақола муаллифи.

Шу билан бирга у шунга ўхшаш мунозаралар мавзуси ўт очишни бас қилиш ва Украина томонидан ҳудудий воз кечишлар бўлиши мумкинлиги хусусида фикр билдирган.

“Ким Киев учун ўлишни ёки Россиянинг Европага газ етказиб бериши қисқараётгани учун музлашни истайди? Париж ва Берлин илк кундаёқ воситачи бўлишга уринишганди. Тўққиз ой ичида Ғарб етакчилари урушдан чарчаган бўлишлари мумкин. АҚШда эса Американинг можарога қўшилишига қарши чиқаётган республика мухолифати ўсиб бормоқда”, - дея хулоса қилган Иоффе.

Эслатиб ўтамиз, аввалроқ Россия президенти матбуот котиби Россия Украина билан музокаралар учун очиқлигича қолаётганини таъкидлаганди, лекин Киевда Россия томони билан ҳеч қандай музокараларни давом эттирмаслик қонунга айлантирилгани учун ҳозирда бундай имконият кўриб чиқилмаяпти. Россия ташқи ишлар вазири Сергей Лавров "агар кимдир музокаралар йўли билан ечим топишдан манфаатдор бўлса, биз тинглашга тайёрмиз" деган эди.


Матнда хатолик топсангиз, ўша хатони белгилаб, бизга жўнатинг (Ctrl + Enter).

Бўлимга тегишли қизиқарли хабарлар

Фикр билдириш учун қайдномадан ўтишингиз сўралади ва телефон ракамни тасдиклаш керак булади!