АҚШ разведкаси: Эрон ядровий қуролга интилмаяпти

Сешанба куни эълон қилинган АҚШ разведкаси ҳисоботида айтилишича, аввалги тахминлардан фарқли ўлароқ, Эрон ҳозир ядровий қурол яратмаяпти.

Бироқ, Яқин Шарқ давлати минтақадаги таъсири, Исроил билан алоқалари ва стратегик иттифоқлари туфайли АҚШ ташқи сиёсатининг марказий нуқтаси бўлиб қолмоқда .

“ Разведка ҳамжамияти Эрон ядро қуролини яратмаётгани ва олий раҳбар Хоманаий 2003 йилда у тўхтатиб қўйган ядровий қурол дастурига рухсат бермагани ҳақида ўз баҳосини давом эттиради ”, дейилади ҳисоботда.

Шу билан бирга, у Исроилнинг Эрон ҳудудига бир неча марта ҳужум қилиши ва АҚШнинг уруш таҳдидларидан сўнг Теҳрон расмийлари “ядро қуролини омма олдида муҳокама қилиш бўйича узоқ йиллик табу [...]”ни бузганини таъкидлайди. Ҳисоботда, шунингдек, 60 фоизгача бойитилган уран заҳираси ортиб бораётгани қайд этилган.

Эрон "қаршилик ўқи" деб атайдиган ҳамфикр давлатлар консорсиумига ёрдам бериш ва қуроллантириш орқали "Исроилга қарши туриш ва АҚШ қўшинларини минтақадан олиб чиқиб кетишга интилиш бўйича саъй-ҳаракатларини давом эттириши мумкин", дейилади ҳисоботда.

АҚШ Миллий разведка бошқармаси директори Тулси Габбард томонидан эълон қилинган ҳисоботда Хитой "Қўшма Штатлар учун энг кенг қамровли ҳарбий таҳдид" сифатида тавсифланади, жумладан:

▪️Сунъий интеллект соҳасида АҚШдан ўзиб кетишга интилиш;

▪️Муҳим материалларнинг глобал етказиб бериш занжирларида устунлик;

▪️Бўғоз бўйлаб мумкин бўлган ҳарбий юриш учун салоҳиятни ошириш.

Ҳисоботда, шунингдек, Россия ядровий қурол етказиш учун мўлжалланган янги сунъий йўлдошни ишлаб чиқаётгани, бу эса Қўшма Штатлар учун “ҳалокатли оқибатларга” олиб келиши мумкинлиги айтилади.

АҚШ разведкаси Хитой, Россия ва Шимолий Корея ўртасидаги муносабатларнинг мустаҳкамланишини таъкидлайди, ҳатто Украинадаги уруш тугаган тақдирда ҳам бу муносабатларни қайтариб бўлмайди.