Ангренда овқатдан заҳарланиш юз берган боғчаларнинг иш фаолияти вақтинча тўхтатилди

Тошкент вилояти Ангрен шаҳридаги 10-сонли мактабгача таълим ташкилотида тарбияланаётган болаларнинг овқатдан заҳарланиши ҳолати бўйича Санэпидқўмита қуйидагиларни маълум қилади:

Тошкент вилояти Ангрен шаҳар шифохонасининг юқумли касалликлар бўлимига 2023 йилнинг 13 сентябрь куни соат 14:00 дан бошлаб 2023 йил 14 сентябрь куни соат 21:00 га қадар шаҳардаги 10-сонли ДМТТ да тарбияланаётган болалар кўнгил айниши, қайд қилиш, тана ҳароратни кўтарилиши, тез-тез ич келиши каби шикоятлар билан мурожаат қилиб, улардан 24 нафари “Овқатдан заҳарланиш ёки ошқозон фаолиятининг функционал бузилиши” бирламчи ташхиси билан ётқизилган, 7 нафарига бирламчи тиббий ёрдам кўрсатилиб, уйига рухсат берилган.

Санэпидқўмита ходимлари томонидан лаборатор текширувлар учун юқумли касалликлар бўлимига мурожаат қилган беморлардан ҳамда, ДМТТ омборхонасида сақланаётган озиқ-овқат махсулотларидан намуналар олинди.

ДМТТ нинг 240 нафар тарбияланувчилари шифокорлар томонидан тўлиқ тиббий кўрикдан ўтказилди ва тиббий назоратга олинди ва ДММТнинг иш фаолияти вақтинчалик тўхтатилди.

Ҳолат Санэпидқўмита томонидан тўлиқ назоратга олинган.