Андижонда қўрғошин ўқларини боласи билан "коляска"да олиб кетаётган аёл қўлга олинди

Андижон вилоятидаги «Дўстлик» чегара пости орқали аёл пневматик снарядларни боласи билан "коляска"га яшириб, Ўзбекистонга олиб кирмоқчи бўлди, деб хабар бермоқда «Подробно.уз» мухбири.

Давлат божхона қўмитаси Андижон вилоятининг Қирғизистон билан чегарадош ҳудудида жойлашган «Дўстлик» чегара божхона пости ходимлари томонидан ўтказилган текшириш чоғида аравачада бола тагида қўшимча таглик борлиги аниқлангани ҳақида хабар берди. Унда 4,5 миллиметр калибрли пневматик қуроллар учун 32 минг қўрғошин ўқлари бор эди.

Мазкур ҳолат юзасидан тергов-тезкор тадбирлари олиб борилмоқда.