Андижонда "Майнинг-ферма" давлатга 900 миллион зарар келтирди
Андижон вилояти ИИБ томонидан тегишли мутасадди идоралар билан ҳамкорликда ўтказилган тадбирда Андижон шаҳрида яшовчи 29 ёшли Қ.Б. ноқонуний йўллар билан бойлик орттириш мақсадида “Майнинг” фермасини ташкил қилганлиги аниқланди.
Ушбу "майнинг-ферма" шаҳар электр тармоқлари билан шартнома тузмасдан, 21 дона фаол майнинг қурилмаларини ўрнатиб, электр тармоғидан ноқонуний фойдаланиши натижасида 900 млн. сўм миқдорда моддий зарар етказганлиги маълум бўлди.
Мазкур ҳолат юзасидан Қ.Б.га нисбатан Ўзбекистон Республикаси ЖКнинг 185-2-моддаси 4-қисми билан жиноят иши қўзғатилиб, тергов, тезкор-қидирув ҳаракатлари давом эттирилмоқда.
Қонунга мувофиқ, Ўзбекистон Республикаси Жиноят кодексининг 185-2-моддаси 4-қисмидаги жиноий хатти-ҳаракатлар учун икки йилдан уч йилгача озодликдан маҳрум қилиш жазоси назарда тутилган.
