Андижон шаҳрида газ тармоғидан ноқонуний фойдаланиш ҳолатлари аниқланди

Бош прокуратура ҳузуридаги Департаментнинг Андижон шаҳар бўлими томонидан ўтказилган терговга қадар текширувларда, фуқаролар Ш.Б. ва Н.А.лар ўзларининг яшаш хонадонларида табиий газ тармоғига ноқонуний уланган ҳолда қўл бола усулда тайёрланган горелкалар ёрдамида оҳак ишлаб чиқариш билан шуғулланиб келиб, ҳудудий газ таъминоти корхонаси манфаатларига жами 110 млн сўм зарар етказганликлари аниқланган.

Мазкур ҳолатлар юзасидан 185-2-моддаси (электр, иссиқлик энергияси, газ, водопроводдан фойдаланиш қоидаларини бузиш) билан жиноят ишлари қўзғатилиб, тергов ҳаракатлари ўтказилмоқда.