Алламжонов ва Мирзиёева АҚШнинг Ўзбекистондаги элчиси билан учрашди
Бугун, 13 март куни Президент администрацияси раҳбари ўринбосари Комил Алламжонов ва Президент администрацияси шўба мудири Саида Мирзиёева АҚШнинг Ўзбекистондаги элчиси Жонатан Хеник билан учрашди.
Алламжоновга кўра, учрашувда кўплаб лойиҳалар юзасидан фикр алмашилган. Хусусан, Google (YouTube) компанияси билан ҳамкорлик алоқаларини йўлга қўйиш ва бу орқали ахборот соҳасига оид айрим муаммоларни биргаликда ҳал этиш масалаларини муҳокама қилган.
“Кўплаб блогерларимиздан YouTube монетизациясининг чекланиши юзасидан мурожаатлар келиб тушган эди. Шу боис учрашувда элчи жаноблари билан ушбу компания вакиллари билан учрашув ташкил этиш ва вазиятни ўрганиш бўйича келишиб олдик”, - дейди Комил Алламжонов.
Матнда хатолик топсангиз, ўша хатони белгилаб, бизга жўнатинг (Ctrl + Enter).
