Александр Вучич: "Маслаҳатлашувлар натижа бермади"

Сербия президенти Александр Вучич тан олинмаган Косово бош вазири Албин Курти билан 14 сентябр куни Брюсселда ўтказилган маслаҳатлашувлар натижа бермаганини маълум қилди.

"Биз Косово Бош вазири билан музокаралар олиб бордик. Улар муносабатларни нормаллаштиришнинг тўғридан-тўғри йўлини топиш нуқтаи назаридан муваффақиятсиз якунланди деб ўйлайман. Иккимизнинг ҳам ўз таклифларимиз бор эди. Охир-оқибат, биз Европа Иттифоқининг муросага келиш таклифини қабул қилдик, Курти эса буни қабул қилишни истамади ва учрашув якунланди", — деб таъкидлади Сербия Президенти.